Preguntanan frekuente di pagonan di Sentoo
Unda mi por usa Sentoo na Paga bo But?
Sentoo ta disponibel pa paga but for di e portal online i na lokèt.
Kiko ta e diferensia entre paga ku Sentoo i paga via un transferensia bankario online?
Bo por hasi pagonan di Sentoo via e app di banko mobil òf via e wèpsait di bo mes banko. Sinembargo, tur detaye di pago, manera reseptor, montante i deskripshon, ta wòrdu pre-yená outomátikamente i bo sa mesora si bo pago di Sentoo tabata eksitoso. Ademas, Paga bo But Sentoo por prosesá pagonan instantáneamente i sin eror.
Dikon mi no por skohe mi mes banko ora di paga ku Sentoo?
Esaki ta nifiká ku bo banko no ta ofresé Sentoo komo servisio ainda. Por fabor tuma kontakto ku bo mes banko pa mas informashon.
Mi tin un pregunta tokante un pago spesífiko di Sentoo. Ku ken mi por tuma kontakto?
Pa pregunta tokante un pago spesífiko di Sentoo, por tuma kontakto ku Paga bo But. Servisio na kliente lo investigá i tuma kontakto ku bo mas pronto posibel.
Sentoo ta kobra tarifa adishonal riba pagonan na Paga bo But?
Sentoo no ta kobra ningun tarifa na klientenan. Sinembargo, e gastunan standart di banko pa kompanianan ta konta.
Mi por anulá un pago di Sentoo?
Bo no por anulá un pago di Sentoo pasobra bo a bai di akuerdo ku e transakshon via di bo sistema online di banko. E montante lo wòrdu pasá direktamente for di bo kuenta di banko pa Paga bo But, meskos ku un pago di PIN na kaha.
Problema ku pagonan
Mi ta eksperensiando problemanan tékniko.
Tuma kontakto ku Paga bo But.
Mi a haña un mensahe di eror durante mi pago di Sentoo i despues a hasi un otro pago di Sentoo (2x). Kiko mi mester hasi?
Por fabor tuma kontakto ku Paga bo But pa kontrolá si nos a risibí un pago duplikado i pidi nos pa debolbé e montante ku a paga di mas. Si Paga bo But no a risibí e montante, tuma kontakto ku bo banko. Bo banko por yuda bo mas aleu i haña sa e status di e pago. Ta útil pa tin e number di transakshon di Sentoo di e pago for di bo resúmen di transakshon bankario na man, si esaki a wòrdu suministrá pa bo banko.
Mi a paga ku Sentoo, a debita mi kuenta, pero Paga bo But ta bisa ku no a risibí e montante. Kiko mi mester hasi?
Por fabor tuma kontakto ku Sentoo via e supportpagina. Sentoo por yuda bo sigui e status di e pago. Ta útil pa tin e number di transakshon di Sentoo di e pago for di bo resúmen di transakshon bankario na man, si esaki a wòrdu suministrá pa bo banko.
Seguridat
Sentoo ta safe?
Sentoo ta safe?
Sentoo ta basá riba e sistema di banko riba internèt i mobil di bo mes banko. Un pago online ku Sentoo ta sigur. E transakshon ta tuma lugá den dos paso:
- Identifikashon i outentikashon di e usuario den banko online
E usuario ta bai na e sistema di banko online sigurá di e banko òf e app di banko i ta drenta. Esaki ta wòrdu hasí via outentikashon multi-faktor di banko, manera marka di dede, rekonosementu di kara, token of e-pass.
- Outorisashon
E usuario ta outorisá e transakshon usando e banko su outentikashon multi-faktor manera marka di dede, rekonosementu di kara, token òf e-pass.
Mi informashon personal ta sigur ora di paga ku Sentoo?
Sentoo ta duna e seguridat di bo pago e prioridat di mas haltu. Sentoo ta warda ménos dato i informashon posibel. Nan no ta risibí ningun informashon di pago personal di klientenan i ta enkriptá informashon di pago nesesario.