Lo no persigui Sr. Robertico A. Dos Santos
Den kuadro di e investigashon "Maximus" tokante di e asesinato di e polítiko Helmin Wiels, Sr. Robertico A. Dos Santos, na un dado momentu, a ser konsiderá komo sospechoso. A hasi entredanan hudisial na su kas i tambe el a pasa varios dia den detenshon preventivo.
Despues di un investigashon eksoustibo, Ministerio Públiko a disidí ku lo no kontinuá e proseso penal kontra di Sr. Dos Santos. Den opinión di Ministerio Públiko, no tin prueba legal i konvinsente ku ta indiká e partisipashon kriminal di Sr. Dos Santos den e kaso "Maximus".
Tantu Sr. Dos Santos komo su abogado a risibí un notifikashon di no persekushon di parti di Ministerio Públiko. E kaso penal kontra di dje den konteksto di e kaso "Maximus" a ser seponé.