Vários detenshon i konfiskashon den akshon konhunto
Djaluna 20 di mart 2023, riba órden di Ministerio Públiko, a detené tres (3) persona sospechá di ta involukrá den trafikashon na gran eskala di kokaina.
Ademas di esaki, a hasi entrada hudisial na seis (6) lokalidat bou di direkshon di hues komisario. Durante di e entradanan hudisial aki a konfiská diferente artíkulo entre otro plaka kèsh, vehíkulo, un mashin di koba i dos spitbot. Kuerpo Polisial Kòrsou, RST, Duana, Defensa i Mareshosé a ehekutá e akshon di. Riba e mesun dia un di kuater persona na Hulanda a keda detené den e kaso aki. OM di Kòrsou a hasi petishon na outoridatnan hulandes pa e persona aki su ekstradishon. No ta ekskluí mas detenshon den e kaso aki.