Tres sospechoso detené den kaso di Mike Venema
Kòrsou – Riba 4 di yüni agentenan di Kuerpo Polisial Kòrsou polis a detené tres sospechoso. Ta trata di un dama di 33 i dos hòmber di 22 i 26 aña di edat. Tur bibá na Kòrsou. Ta sospechá ku nan ta involukrá den e kaso ku a hiba na morto di Mike Venema kende nan a haña den su pikòp djabièrnè 5 di yüli 2019 den fondo di Laman di Karibe.
Mike, di 53 aña, na momentu di su desaparishon, tabata biba den un apartamentu na Anasaweg, Kòrsou, pero promé ku e la disparsé e tabata keda den un kas na Jan Sofat (resort). Despues di un investigashon ekstenso polis ta suponé ku ta trata di un krímen. Despues di konsulta ku outoridatnan na Kòrsou a disidí ku lo hiba un investigashon konhunto.
Dos sospechoso ta sigui detené
Siman pasá dos sospechoso a keda detené den e kaso akí na Hulanda. E dos sospechosonan, un dama di 26 bibá na Rotterdam i un dama di 24 aña di edat bibá na Zwijndrecht na e momentu akí ta detené ainda. E sospechoso di 26 aña di edat a presentá dilanti wes komisario na Kòrsou kende a prolongá su detenshon. E sospechoso di 24 aña di edat lo mester presentá e siman aki dilanti un wes komisario.
Investigashon ekstenso
E detenshon ta resultado di un investigashon a largo plaso den estrecho kolaborashon entre polis di Kòrsou i di Hulanda. E kaso ainda ta den pleno investigashon.
Kobertura den prensa
Pa medio di e programanan di búskeda Team West, Opsporing Verzocht i retnan sosial a pidi atenshon pa e kaso akí. Foundation Peter R. de Vries a pone tambe un rekompensa na disposishon den e kaso akí.
E kobertura di prensa ekstenso di Foundation Peter R. de Vries a resultá di ta hopi balioso p’è investigashon.
Despues di e yamadanan akí polis a haña diferente tep mashá balioso.Polis ta traha frekuentemente ku emisoranan nashonal i regional riba tereno di komunikashon di investigashon. Asina nos ta logra resolvé ku regularidat kasonan ku yudansa di tep.