Tráfiko
Riba e islanan BES gobiernu ta traha e reglanan di tráfiko (Entidat Públiko i/òf Atministrashon Públiko) i ta registrá den lèinan, ordenansanan i reglamentonan.
Algun di e lèinan i ordenansanan importante:
- Ordenansa di Tráfiko di Boneiru, Saba i Sint-Eustatius
- Ordenansa di Impuesto di vehíkulonan di Boneiru, Saba i Sint-Eustatius
- Lei di seguro di responsabilidat di vehíkulonan BES
Den e reglamentashon por ehèmpel, tin skibí ku ki rekisito di diseño bo outo mester kumpli. E obligashon pa tin un seguro pa un vehíkulo ku bo ta subi kaya ku ne i ku bo mester paga impuesto di vehíkulo (motorisá) tambe tin pará aden.
Es ku no wanta su mes na e lèinan of e ordenansanan, ta sea kometé un infrakshon (esei ta un echo kastigabel leve) òf un delito (un echo kastigabel kaminda ta duna un kondena di prizòn).
Na ora ku un infrakshon òf un delito keda konstatá, den sierto kaso polis por skibi un OPV (but pa infrakshonnan) òf traha un prosèsferbal. Esei ta wòrdu mandá Ministerio Públiko. Ministerio Públiko tin direktiva pa e tratamentu di e tipo di kasonan aki. Den sierto kaso bo ta haña e posibilidat pa paga un transakshon, pa prevení ku e kaso ta yega dilanti hues. Den e direktivanan di Ministerio Públiko, a registrá e alturanan di e transakshonnan. Bo mes tambe por haña e sumanan bèk riba e OPV (riba e parti djatras). Si bo no paga e transakshon ofresé (na ora), e kaso lo keda presentá dilanti di hues. Na e seshon den korte, fiskal lo eksigí un but ku ta mas haltu ku e suma di transakshon.
Entrante 1 di ougùstùs 2019 e lei di tráfiko adaptá a bini na vigor pa Boneiru.Pa medio di lèinan nobo, ta modernisando e kòntròl di tráfiko. Asina e servisionan di rastreamentu riba término lo por detektá korementu bou di influensha di alkohòl por medio di un blaastest.
Si akaso bo tin pregunta tokante di reglanan di tráfiko, bo por dirigí bo mes na e trahadónan di Ministerio Públiko BES.