REKORDATORIO - PAGA BO BUT PROMÉ KU 13 DI SEPTEMBER 2022!
Djárason 14 di sèptèmber próksimo, Korte lo trata e ‘verkeerszitting’ mensual, den kual esnan ku a haña but den e último luna ta haña oportunidat pa defendé nan kaso
Si bo no paga bo but promé ku 13 di sèptèmber 2022 bo ta kore riesgo ku den Korte e montante di but ta subi. Ministerio Públiko (OM) Kòrsou ta invitá tur outomobilista ku a haña but, ku ta bai ser tratá dia 14 di sèptèmber 2022, pa bin paga e but promé ku djamars 13 di sèptèmber 2022 pa di e forma aki evitá ku e but ta bira mas haltu. Djamars 13 di sèptèmber e lokèt di Paga bo But ta habrí nònstòp di 7.30 ‘or di mainta te 4.30 ‘or di atardi.
Ofisina di Paga Bo But ta situá na Waaigat, p’ariba di ofisina di Curoil riba Abraham Chumaceiro Bulevar 11. No por paga kèsh mas, solamente swaip ku bo karchi di banko. Por hasi pago tambe online via bo banko riba kuenta di MCB 23329801. Ministerio Públiko ta konsehá kada persona ku tin but habrí, pa pasa paga e transakshon promé ku e kaso bai Korte i evitá ku e but ta subi. Sigui nos tambe riba Facebook: Paga bo But. Por haña mas informashon tambe tokante di but habrí via Whatsapp: +59994342120 òf +59994342146.