REKORDATORIO - PAGA BO BUT PROMÉ KU 12 DI APREL 2022! Habrí djasabra 9 di aprel di 8.30 ‘or di mainta pa 1.30 ‘or di atardi

Djárason 13 di aprel 2022 próksimo, Korte lo trata e ‘verkeerszitting’ mensual, den kual esnan ku a haña but den e último luna ta haña oportunidat pa defendé nan kaso. Si bo no paga bo but promé ku 12 di aprel 2022 bo ta kore riesgo ku den Korte e montante di but ta subi.

Ministerio Públiko (OM) Kòrsou ta invitá tur outomobilista ku a haña but, ku ta bai ser tratá dia 13 di aprel 2022, pa bin paga e but promé ku djamars 12 di aprel 2022 pa di e forma aki evitá ku e but ta bira mas haltu. Riba djasabra 9 di aprel ofisina di Paga Bo But lo ta habrí di 8.30 ‘or di mainta te ku 1.30 ‘or di atardi. Djamars 12 di aprel ta habrí nònstòp di 7.30 ‘or di mainta te 4.30 ‘or di atardi.

Un yamada ta bai na outomobilistanan ku pa ekibukashon tin e fecha di 22 di aprel riba na prosès verbal. Pa e personanan aki e fecha di e verkeerszitting di 13 di aprel ta konta. Nos diskulpa pa e konfushon.

Ofisina di Paga Bo But ta situá na Waaigat, p’ariba di ofisina di Curoil riba Abraham Chumaceiro Bulevar 11. No por paga kèsh mas, solamente swaip ku bo karchi di banko. Por hasi pago tambe online via bo banko riba kuenta di MCB 23329801. Ministerio Públiko ta konsehá kada persona ku tin but habrí, pa pasa paga e transakshon promé ku e kaso bai Korte i evitá ku e but ta subi. Sigui nos tambe riba Facebook: Paga bo But. Por haña mas informashon tambe tokante di but habrí via Whatsapp: +59994342120 òf +59994342146.