REKORDATORIO: PAGA BO BUT
Mayoría persona ku a haña un prosès-verbal pa motibu di inkumpimentu ku medidanan relashoná ku Covid 19 a wòrdu aserká dor di Ministerio Públiko (OM) i a ofresé nan un transakshon.
Lamentablemente tin hopi persona ku no a paga esaki ainda. Un bes mas Ministerio Públiko kier a rekordá un i tur ku si no paga e transakshon, e persona lo risibi un dagvaarding i lo mester presentá den korte. Durante e kaso den korte, Ministerio Públiko lo hasi un petishon na hues pa subi e montante di e but ku 20%. Si hues ta haña ku ku por prueba e kaso, ta bini un sentensia ku e suma di e but. Alabes lo stipula un kantidat di dia di kastigu di prisòn. Si no kumpli ku pago di e but, lo inkorporá e sentensia den registro di investigashon na frontera (OPS). Ora di drenta of sali for di Boneiru e chèns ta grandi ku mester paga e but of sinta e kastigu di prisòn promé ku por biaha. E promé seshonnan penal den korte ku lo trata butnan relashoná ku corona ku no a wòrdu pagá, lo tuma lugá na sèptèmber. Pago di e transakshon ku OM a stipulá por evitá tur esaki.