Parlamentario detené riba sospecho di trafikashon di droga i labamentu di plaka

Ta sospechá e parlamentario M.M. di ta embolbí den trafikashon di droga i labamentu di plaka. E detenshon aki ta un resultado importante despues di un investigashon penal ku a dura mas ku un aña. Investigashonnan di durashon largu asin’aki ta impliká un enfoke penal pa ku delitunan grave ku tin un impakto grandi riba e sentido di seguridat den komunidat.

Bou di guia di wes komisario, RST a hasi un entrada hudisial den un edifisio i a konfiská vários artíkulo i material ku posibelmente por ta inkriminante. Pa no stroba progreso di e investigashon, Ministerio Públiko no ta duna mas informashon na e momentunan aki.

No ta ekskluí ku lo bai tin mas detenshon.