Paranan eksótiko konfiská
Djaweps 21 di sèptèmber durante di kontròl riba un boto, outoridatnan a haña un kantidat di para tropikal bou di sospecho ku a kaptura nan for di den naturalesa ku e fin pa hasi negoshi ilegal di animalnan eksótiko ku nan.
E paranan a keda konfiská. Komo ku prosedensia i estado di salú di e bestianan no ta konosí i e peliger ku nan por forma pa salubridat públiko i salú i bienestar di otro bestianan na Boneiru, Ministerio Públiko a disidí di destruí nan.
Ministerio Públiko ta hasi un yamada na komunidat pa no kumpra bestianan ofresé den e sirkuito ilegal. Hasiendo esaki bo ta kontribuí ku e ilegalidat i e benta deskontrolá por forma un peliger dirèkt pa hende i bestia na Boneiru. Durante e kontrol a haña ademas di e paranan, un kantidat d arma di kandela. Esakinan tambe a keda konfiská. A detené un (1) persona.