Nombramentu di Fiskal Mayó di Boneiru, Sint Eustatius i Saba
Señor mr. W.E. (Walter) Kupers lo bira e fiskal mayó nobo di Boneiru, Sint Eustatius i Saba. Konseho di Minister di Reino a disidí pa nombra e riba propuesta di Minister di Hustisia i Seguridat, Yeşilgöz-Zegerius.
Kupers lo kuminsá su trayektorio komo Fiskal Mayó promé di òktober 2022 na parkèt di promé instansia di Boneiru, Sint Eustatius i Saba (islanan BES) di Ministerio Públiko. Aktualmente e ta fiskal di “Criminele Inlichtingen en Bijzondere Getuigen” (Inteligensia Kriminal i Testigu Spesial) na e parkèt di e distrito Oost-Brabant. Anteriormente e tabata fiskal di “Onderzoeken en Ondermijning” (Investigashon i Anti-Korupshon/Supvershon).