Nombramentu di Abogado General na Kòrsou
Konseho di Minister di Reino, riba proposishon di David van Weel Minister di Hustisia i Seguridat, i tambe na nòmber di Ministernan di Hustisia di Kòrsou i di Sint Maarten, a bai di akuerdo ku nominashon di Señora S. Verheijen komo Abogado General na Parkèt di Prokurador General di Kòrsou, Sint Maarten i Boneiru, Sint Eustatius i Saba (ku ofisina na Kòrsou).
Señora Verheijen ta disponé di eksperensia di trabou hopi amplio, akumulá durante su tempu komo hues i konsehero na Hulanda i durante su trabou komo miembro di Korte Komun di Hustisia. Mirando su kalidatnan hurídiko komprobá i su personalidat, ta konsiderá ku Señora Verheijen ta kapasitá pa kumpli e funshon di Abogado General.