Ministerio Públiko ta seponé kaso kontra di ámtenar di duana

Dia 16 di febrüari e la ser lagá den libertat miéntras ta investigá e kaso mas profundo, pasombra ku e investigashon preliminar no a duna konfirmashon di e sospecho di korupshon atministrativo. E investigashon a kontinuá, partikularmente riba kontenido di diferente kargadó di informashon ku a pone beslag riba dje durante di e entrada hudisial ku a tuma lugá riba 7 di febrüari. Entretantu e investigashon dor di Rijksrecherche a konkluí. Ministerio Públiko BES (OMBES) a evaluá e dosié.

A base di esaki, OMBES a disidí ku no ta bai sigui ku un persekushon penal kontra e ámtenar aki i lo seponé e kaso, pa motibu ku segun opinion di OMBES for di e investigashon ku a ser hasí no a haña prueba di korupshon atministrativo den e deskripshon legal “Es ku tuma un regalo, hasi un promesa of tuma un servisio pa hasi of keda sin hasi algu en kontra di su deber komo ámtenar (di duana)”. A pone e ámtenar i su doño di trabou na altura ku a seponé e kaso.