Ministerio Públiko ta konmemorá Dia Oropeo pa Víktimanan di Delitunan
Dia 22 di febrüari, lo konmemorá e derechonan di víktimanan di krímen i nan famianan den henter Europa. E dia aki, konosí komo e Dia Europeo pa Víktimanan di Delitunan, ta enfatisá e importansia di rekonosimentu, sosten i protekshon di e grupo aki den nos sosiedat.
Ministerio Públiko Kòrsou (OM) ta duna hopi importansia na derechonan di víktimanan i nan famia. Pa e motibu aki, Ministerio Públiko ta empeñá pa garantisá e derechonan aki i duna nan e informashon i sosten nesesario. Riba e dia aki Ministerio Públiko ke pone èkstra atenshon riba e tema importante aki.
Pa medio di e Lokèt di víktima (Slachtofferloket), Ministerio Públiko ta ofresé asistensia spesialisá na víktimanan di delitunan i nan famia. E lokèt aki ta situá na A.M. Chumaceiro Boulevard (den edifisio di Paga Bo But na Waaigat) i ta sirbi komo un punto di kontakto i informashon sentral den Ministerio Públiko.
Víktimanan i nan sernan kerí por pasa akinan pa sosten i e informashon tokante di e proseso penal ku nan mester pa por sigui despues di un suseso impaktante.