Ministerio Públiko lo no persiguí shofùr

Polis den koperashon ku Reshèrshi di Reino a hasi un investigashon bou di direkshon di Ministerio Públiko (en adelante: OM) na tur aspekto ku posibelmente por a hunga un ròl den e aksidente aki. Entretantu a kaba ku e investigashon i OM a evaluá e resultadonan di esaki.

For di e investigashon ku a inisiá a sali na kla ku e shofùr di un outo a subi Kaya Grandi saliendo for di Parke Tului pa despues lora na man robes, pa sigui den direkshon nort. E víktima, koriendo motosaikel, tabata biniendo for di direkshon nort i  bayendo den direkshon sùit.

For di e investigashon a resultá ku e koredó di motosaikel a pèrdè kontrol di su motosaikel na momentu ku e la kuminsá brek. E víktima a bai kai i a sufri leshonnan grave ku konsekuensia ku e la fayesé.

For di e investigashon inisiá dor di polis a resultá ku e koredó di motosaikel, nèt promé ku su kaida, tabata kore ku un velosidat di mas ku 100 km/ora. Na e sitio ei e velosidat máksimo permití ta di 40 km/ora. Mirando e grado di ekseso di e velosidat máksimo permití na e sitio ei i na e momentu ei, OM ta di opinion ku no tin kuestion di falta konsiderabel di e shofùr di e outo pa ku e aksidente.

Den e evaluashon aki tambe ta keda impliká ku porta e víktima tabatin ménos kontrol di e motosaikel. Pa motibu ku e víktima no tabata den poder di un reibeweis bálido pa manehá motosaikel.

Esaki ta nifiká ku OM a disidí di no persiguí e shofùr di e outo envolví pa motibu di e aksidente trágiko aki.