Miembro di Parlamento detené pa soborno
Riba djabièrnè 17 di mart 2023, e Tim di Investigashon Kriminal (RST) a arestá un miembro di Parlamento di Sint Maarten. Ademas di esaki, hues-komisario (RC) a tene entradanan hudisial na kas di e sospechoso i su lugá di trabou den e edifisio di Parlamento di Sint Maarten.
E aresto i entradanan hudisial a tuma lugá den konekshon ku un investigashon kriminal yamá “Lissabon” i ta sospechá e miembro di Parlamento di a aseptá soborno i a kometé abusu di poder di su funshon. E investigashon ta andando i no ta ekskluí ku lo bai tin mas aresto i entradanan hudisial.
Tim Sentral di RST bou di direkshon di Prokurador General di Kòrsou, Sint Maarten, Boneiru, Sint Eustatius i Saba ta ehekutá investigashon “Lissabon”.
Tim Sentral su enfoke ta riba un aserkamentu spesialisá pa kombatí korupshon i krímen ku ta destabilisá.