Kore sin seguro: pèrdè bo outo
Djabièrnè 17 di mart 2023, Korte di Promé Instansia a konfiská outo di un hòmber di 31 aña. Ademas di esaki e la keda kondená na un kastigu di 3 siman kondishonal. Den un tempu kòrtiku polis a hañ’é diferente biaha ta manehá outo sin ku e tabata sigurá. E la risibí diferente but pa esaki pero nunka nan no a wòrdu pagá.
Pa motibu ku e hòmber a sigui kore sin seguro, Ministerio Públiko a dagfar e pa e presentá dilanti hues i a hasi demanda pa kita su outo for di dje. Hues a kumpli ku e demanda aki.
Kore outo sin seguro ta un problema grandi na Kòrsou. Si personanan ku no ta sigurá kousa un aksidente di tráfiko, e kompania di seguro no ta paga esnan perhudiká un kompensashon pa e daño. Hopi biaha esun ku a okashoná e aksidente no ke òf no por paga. Esaki tin un impakto grandi riba esnan perhudiká. Tin butnan haltu pa kore outo sin seguro. Si bo ta kore kontinuamente sin seguro, bo tin chèns di haña un kastigu di prisòn òf asta pèrdè bo outo.
Polis lo sigui ku kontrol severo riba seguro bálido di vehíkulonan.