Koperashon KPC i RST - Sospechosonan den kaso di robo di droga na warda di polis poné den detenshon preventivo dor di hues-komisario

Willemstad – Dia 15, 16 i 20 di desèmber, Tim di Aresto a detené tres sospechoso. E tres hòmbernan ta wòrdu sospechá di enbolbimentu den ehekushon di e robo i benta di e kokaina hortá. Dia 23 di desèmber, hues-komisario a pone e tres detenidonan den detenshon preventivo.

Alabes hues-komisario a disidí ku e término di detenshon preventivo ta keda alargá ku 8 dia. Esaki ta nifiká ku e aresto preventivo di e sospechosonan ta keda alargá ku 16 dia. Un tim di polis ku ta konsistí di miembro di KPC i RST den e periodo benidero lo investigá e relashon entre e tres sospechosonan detené i tambe nan enbolbimentu den e robo i benta di e droga. Tambe lo tuma mas deklarashon di e sospechosonan.

E sospechosonan ta keda den restrikshon. No ta ekskluí ku lo tin mas detenshon den e kaso aki. Den interés di e investigashon no por duna mas informashon na e momento aki.