Hopi kaso den korte pa korementu bou di influensia di alkohòl
Hopi habitante di Boneiru, Saba i Sint Eustatius ta partisipá tur dia den tráfiko. Komo shofùr di outo, motosaikel òf skuter, komo siklista òf peaton. Pa mantené partisipashon na tráfiko sigur pa tur hende, nos tur mester mantené nos mes na e reglanan ku ta bálido den tráfiko.
. Mas drùk bira den tráfiko , mas importante ta bira pa tur hende berdaderamente tene nan mes na regla. Polis ta supervisá esaki i ta mantené e reglanan. Manera a bisa, pa nos propio seguridat. Partisipantenan den tráfiko ku no ta mantené nan mes na regla por keda konfrontá ku konsekuensia di esaki. E por ta butnan pero por nifiká tambe ku partisipantenan por pèrdè nan rèibewèis sea pa un tempu kòrtiku òf unu mas largu. Último tempu tabatin diferente kaso den kual outomobilistanan mester a responsabilisá nan mes pa kore nan vehikulo miéntras nan tabata bou di influensia di alkohòl. Den tur e kasonan aki e outomobilistanan a keda kondená i korementu bou di influensia di alkohòl tabatin konsekuensia pa nan rèibewèis.
Ministerio Públiko huntu ku polis i mareshosé, lo vigilá ku e reglanan vigente di tráfiko ta keda mantené, den interes di seguridat di tur ku ta partisipá den tráfiko. Sigur si ta trata di korementu bou di influensia òf kore sin rèibewèis òf seguro.