Findishi di Ministerio Públiko a produsí mas ku 200 mil florin
Djaweps 7 di aprel riba petishon di Ministerio Públiko pa medio di intervenshon di dùrwarder tabatin un benta públiko di un kantidat di boto ku anteriormente a keda konfiská.
E benta a tuma lugá riba Pindakaas terrein na Base di Marina na Parera. A botonan a ser bende na esnan ku a ofresé mas. Tabatin hopi interes pa e botonan; mas ku 300 persona a akudí. E findishi a produsí un montante di mas ku 200 mil florin pa kaha di gobièrnu.