Di kuater aresto den haf

E detenshon a tuma lugá riba órden di Ministerio Públiko. Djis despues di e detenshon, a hasi un entrada hudisial na kas di F.E.B. bou di guia di hues komisario. Ta sospechá ku F.E.B. den su funshon di bewaker den haf na Schottegat, huntu ku otro trahadónan den haf, durante un periodo largu tabata involukrá den ponementu di kantidatnan grandi di kokaina den kònteinernan. E kònteinernan tabata destiná pa Oropa. F.E.B. a keda enkarselá pa mas investigashon. Anteriormente den e kaso aki, ya a detené dos bewaker i un dockmaster. Tur e hòmbernan aki ta detené ainda. Den e temporada benidero no ta ekskluí mas detenshon.