Detenshon Bewaker di Haf
Djamars 9 di mei 2022, R.J.R di 50 aña di edat, a keda detené dor di RST den koperashon ku KPC i Duana. E detenshon a tuma lugá riba órden di Ministerio Públiko.
Djis despues di e detenshon, un entrada hudisial a tuma lugá na e kas di R.J.R. bou di guia di hues komisario. Ta sospechá ku R.J.R., den su funshon komo bewaker na haf na Schottegat na Kòrsou, tabata involukrá den ponementu di kantidatnan grandi di kokaina den kònteinernan ubiká na e haf aki. E destinashon final di e kònteinernan aki tabata Oropa. R.J.R., ku entretantu no ta traha na haf mas, a ser enkarselá pa asina por hasi investigashon adishonal. No ta ekskluí mas detenshon.