Atrako
Atrakonan tin un impakto enorme riba víktimanan i nan ambiente i ta soru pa un sentimentu grave di insiguridat. Atrakadónan por lo tanto por konta riba kondenanan pisá. Ministerio Públiko, polis i negoshantenan ta traha den estrecho kolaborashon ku otro pa redusí e kantidat di atrakonan. Negoshantenan tin un papel importante den prevenshon di atrakonan (dor di pone vigilansia i/òf vigilansia ku kámera). Siudadanonan ta yuda den solushoná atrakonan.
E sospechosonan ku polis ta trese pa Ministerio Públiko kasi semper ta haña dagfar pa paresé dilanti hues. Ministerio Públiko ta pidi kondenanan haltu, kasi semper un kastigu di prizòn mas largu. Aparte di esei, Ministerio Públiko ta mustra riba e intrankilidat ku atrakonan ta kousa den komunidat. Hues, den kasi tur kaso ta duna kastigu di prizòn i generalmente ta sigui e èis di Ministerio Públiko. Malhechornan menor di edat tampoko no ta skapa ku djis un kastigu di trabou. E gran mayoría di e grupo aki ta haña un kastigu di privashon di libertat. Ta duna e víktimanan di atrakonan e oportunidat pa akoplá nan mes komo partido perhudiká den e huisio penal i, ku ayudo di Stichting Slachtofferhulp, skibi un deklarashon di víktima i/òf un formulario di akoplashon pa e daño i perhuisio. (slachtofferhulp@politiecn.com )